بیدر،سماج نیوز: ملک گیر سطح پر عصری تعلیم سے نابلد حفاظ کی عصری اور اعلیٰ تعلیم کیلئے متعارف کئے جانے والے’’حفظ القرآن پلس‘‘ کورس کے تحت کے شاہین ادارہ جات بیدر سے امسال جماعت دہم کے نتائج میں شاہین حفظ القرآ ن پلس کے طلباء کی قابل ذکر ریکارڈ کامیابی حاصل کی ہے ۔حفظ القُرآن پلس کے تحت جماعت دہم میں جن طلباء و طالبات نے ڈسٹنکشن سے امتیازی کامیابی حاصل کی ان کے نام اور فیصد اس طرح ہے ۔حافظہ سیدہ عاکفہ فاطمہ بنت ایس ایم محی الدین 95.68فیصد نشانات ،حافظہ علینہ اکبر بنت مرزا اکبر نے 92فیصد نشانات ، حافظ محمد طلحہ ولد شرف الدین نے 91.52فیصد نشانات،حافظ محمد احمد عمار ولدزاہد حسین قاسمی نے 90.56 فیصدنشانات ، حافظہ سیدہ سعدیہ مہرین بنت سید فاروق نے90.88فیصد نشانات ، حافظ محمد رووان ولد ابوبکر صدیقی 90.4فیصد نشانات ، حافظ حماد احمد ولد امان اُللہ نے 89.28فیصد نشانات ،حافظ محمد قواص خان ولد محفوظالرحمن نے 87.2فیصد نشانات ،حافظ توحید النبی ولدجی ایچ نبی ملک نے 86فیصد نشانات ، حافظ محمد نازش ولد خورشید علی نے 85.44فیصد حافظہ شفاء رومان بنت مجیب الدین نے 84.32نشانات ،حاصل کئے ۔ ‘ اس طرح11حفاظ طلباء و طالبات نے جماعت دہم کے امتحانات میں ڈسٹنکشن سے امتیازی کامیابی حاصل کی۔اس مرتبہ شاہین ادارہ جات بیدر سے عالمہ طالبات نے بھی جماعت دہم میں بہتر و امتیازی نشانات حاصل کئے ہیں ۔ ڈسٹنکشن میں امتیازی کامیابی حاصل کرنے والی عالمہ طالبات کے نام اور فیصد اس طرح ہیںعالمہ شمع فردوس بنت محمد دستگیر 83.44فیصد ، عالمہ شفرینہ بنت ِ قدوس صاحب 91.68 فیصد ، عالمہ صفا کونین بنت محمد ذکی الدین 88.96فیصد ،عالمہ عفیفہ تزئین بنت محمد جاوید پاشاہ 88.96،عالمہ مہک فاطمہ بنت شیخ نواب 85.82فیصد نشانات حاصل کئے۔ جملہ5 عالمہ طالبات نے جماعت دہم میں ڈسٹنکشن سے امتیازی کامیابی حاصل کی ہے۔ حفاظ طلباء جنہوں نے تمام زبانوں اور پرچوں کے علاوہ ریاستی زبان کنڑا کو اس سے قبل دیکھا تک نہیں تھا، تعلیم کے دوران اس طرح تیاری کرکے دہم جماعت کا امتحان دلانا اور نمایاں نشانات سے کامیابی کے حصول کیلئے آمادہ کرنا ایک ایساکام ہے جس کی بدولت ملت کے حفاظ کی خدمت کی جارہی ہے تاکہ یہ آگے چل کر ڈاکٹر ، انجینئر ، سائنسدان ، اکاؤنٹنٹ ، لیکچررس بن سکیں ۔
اس موقع پر جناب ڈاکٹر عبدالقدیرچیرمن شاہین ادارہ جات بیدر نے ان نتائج پر اللہ تعالیٰ کا شکرادا کرتے ہوئے کہاکہ یہ کامیابی دراصل ہماری تعلیمی بیٹیوں اور بیٹوں کی کامیابی ہے۔ جن طلباء وطالبات نے اپنے مستقبل کو سمجھ کر خوب محنت کی ۔ ایسی محنت کرنے والوں کو پرمسرت انعام ملنا چاہیے تھااور وہ مل کر رہا۔ انھوں نے کہا کہ ادارہ شاہین تعلیمی پسماندگی کو دور کرنے کے علاوہ ریاست وبیرون ریاست اور این آرآئیز کے طلبا کو بہتر تعلیم دینے کا عزم رکھتاہے ۔اور اس کیلئے اولیائے طلباء کاتعاون ضروری ہے۔ میں ان نتائج پر اپنے اسٹاف طلباء اور اولیائے طلبا کو مبارک باد پیش کیا ۔اور کہا کہ شاہین ادارہ جات نے اپنے قیام سے ہی طلباء میں پوشیدہ صلاحیتوں کو اجاگر کرنے میں نمایاں رول ادا کررہا ہے۔ہم دیکھتے تھے کہ ڈاکٹر کا بیٹا ڈاکٹر بن رہا ہے اور انجینئرکا بیٹا انجینئر بن رہا ہے مگر شاہین ادارہ جات نے اس سوچ کو بدل دیا اور تعلیمی میدان میں ایک انقلاب برپا کرتے ہوئے بتادیا کہ ایک غریب خاندان کا طالبِ علم بھی ڈاکٹر بن سکتا ہے اور انجینئر بھی بن سکتا ہے ۔ہم نے ایسے کئی ذہن اور مستحق طلباء کی حوصلہ افزائی کی اور وہ تعلیمی میدان میں نمایاں مقام حاصل کیا ہے۔محترمہ مہر سُلطانہ ڈائریکٹر شاہین ادارہ جات بیدر نے تمام طلباء و طالبات اور اولیائے طلباء کو مبارکباد پیش کی اور ان کے تئیں اپنی نیک تمنائوں کا اِظہار کیا ۔