بھوجپوری اداکارہ آکانشا دوبے نے کی خودکشی

وارانسی، سماج نیوز: بھوجپوری فلموں کی ماڈل سے اداکارہ بننے والی آکانکشا دوبے وارانسی کے ایک ہوٹل میں مشتبہ حالت میں مردہ پائی گئیں۔ پولس نے خودکشی کا شبہ ظاہر کیا ہے۔ رپورٹ کے مطابق ایک سینئر پولس افسر نے کہا کہ ابتدائی طور پر ایسا لگتا ہے کہ یہ خودکشی کا معاملہ ہو سکتا ہے، لیکن موت کی وجہ جاننے کے لیے پوسٹ مارٹم رپورٹ کا انتظار کرنا پڑے گا۔ معلومات کے مطابق اداکارہ بنارس کے سارناتھ میں ایک ہوٹل میں ٹھہری ہوئی تھیں، وہ اصل میں بھدوہی ضلع کے چوری تھانہ علاقے کی رہنے والی تھیں۔ بتادیں کہ گزشتہ ایک ماہ سے وہ سارناتھ کے ایک ہوٹل میں قیام کے دوران ایک بھوجپوری فلم کی شوٹنگ کر رہی تھیں، آج اداکارہ آکانکشا دوبے کا ایک گانا ریلیز ہونے والا تھا۔ قابل ذکر بات یہ ہے کہ انہوں نے بھوجپوری سنیما، موسیقی اور کئی فلموں میں کام کیا۔ اکانکشا دوبے کے انسٹاگرام پر بہت زیادہ فالوورز ہیں اور ان کی ویڈیوز کافی مشہور تھیں۔