زمین مافیاؤں اور غلط کاروں کی لسٹ ڈاکٹر نوہیرا شیخ کی جانب سے ای ڈی میں داخل

عالمہ ڈاکٹر نوہیرا شیخ کی جانب سے عمل کا ردّ عمل شروع

نئی دہلی، سماج نیوز: جیسا کہ آج ہندوستان کا ہر شہری اس بات سے بخوبی واقف ہے کہ ہیرا گروپ آف کمپنیز کے خلاف ہونے والی تمام سازشیں ایک سوچی سمجھی منصوبہ بندی تھی۔ جس میں خاص طور سے غاصبوں، خائنوں اور زمین مافیاؤں کا اصل مقصد تھا کہ ایک سود سے پاک تجارت کو بند کرا دیا جائے۔ للہیت کا جذبہ رکھنے والے اس کے سرمایہ کاروں کے خون پسینے کے پیسوں کو مل کر تقسیم کر لیا جائے اور غریبوں کی گاڑھی کمائی کے پیسوں سے خریدی گئی زمینوں کو غصب کر لیا جائے۔ لیکن کمپنی کی سی ای او عالمہ ڈاکٹر نوہیرا شیخ کے جذبہ اور ایثار وقربانی کی بے مثال سمجھداری اور دور اندیشی سے دشمنوں اور ناپاک عزائم رکھنے والوں کے ارادوں پر اپنی جواں مردی اور ہمت و بہادری سے ہر اذیت کو برداشت کرتے ہوئے ہر بلا و مصیبت کا بذات خود مقابلہ کرتے ہوئے ہندستان کے قانون کے ذریعہ سے جواب دیا اور ایک ایک کرکے تمام سازشوں کو ثبوتوں اور شواہد سے صاف کرتے ہوئے نہ صرف جیت حاصل کی بلکہ سود سے پاک تجارت کو پھر سے چلانے کی اجازت لے کر سپریم کورٹ سے یہ باور کرا یا کہ ہمت و شجاعت اس بات کی دلیل ہے کہ آپ کے ارادے کتنے پختہ ہیں، قسمتوں کے فیصلے عزم وحوصلے کے بل پر ہوتے ہیں ، ڈگمگاتے قدم کبھی مقدر کا تعین نہیں کر سکتے۔

ان تمام حقیقت حال کے درمیان جن لوگوں کے ارادوں میں فتور تھا انہوں نے اپنے چالوں کو چل کر ہر اس مکر وفریب کی آبیاری کی جس کی وہ چاہت رکھتے تھے۔ عالمہ ڈاکٹر نوہیرا شیخ نے یہ بات پہلے ہی اعلان کے طور پر بتا دیا تھا کہ ایک دن ہر ایک عمل کا رد عمل ہو گا۔ ہر ایک چیز کو کھلی کتاب کی طرح عوام اور قانونی عدالتوں کے درمیان پیش کیا جائے گا۔ چاہے وہ سازش کرکے کمپنی پر تالے لگانے والے سیاستدان ہوں۔ یا خالی زمینوں پر بلڈنگوں کے بنانے والے غاصبکار ہوں۔ خالی پڑے بنگلوں میں گھسنے والے درانداز پولس اہلکار ہوں یا بہکائے گئے ایف آئی کنندگان ہوں ، پیسے مل جانے کے باوجود عدالتی کارروائی میں الجھانے والے لالچی لوگ ہوں یا سازش کرکے کمپنی میں داخل ہونے والے مکار وعیار لوگ۔ ہر ایک کی پہچان بطور ثبوت عدالتوں میں پیش کیا جائے گا، کمپنی کی سی ای او عالمہ ڈاکٹر نوہیرا شیخ نے اس بات کا اعلان کردیا ہے۔ اور اب اسی کو عملی جامہ پہناتے ہوئے ہیرا گروپ آف کمپنیز کی سی ای او عالمہ ڈاکٹر نوہیرا شیخ نے انفارسمنٹ ڈائرکٹوریٹ میں دو سو صفحات پر مشتمل ثبوتوں سے بھرپور ایک مکمل دستاویز پیش کرکے بتا دیا ہے کہ کس شخص نے کہاں اور کن لوگوں نے کب غداری کا ثبوت دیا ہے۔ اور ای ڈی سے اس بات کی اپیل کی گئی ہے کہ قانون اپنے آہنی پنجوں کے ذریعہ ان غاصبوں کو باہر نکال پھینکے اور گناہگاروں کو ان کے غلط کاری کا مزہ چکھائے۔ کیونکہ اگر ان کو یوں ہی معاف کر دیا جائے گا تو ہر غلط کار کی یہ حوصلہ افزائی ہو گی۔ تمام سازش کاروں کی حوصلہ شکنی ہو اس کے لئے انتظامیہ اور قانونی اداروں سے آخری دم تک عالمہ ڈاکٹر نوہیرا شیخ لڑائی لڑتی رہیں گی۔

ان ہی غلط کاروں میں خواجہ معین الدین نامی پولس اہلکار اور تلنگانہ کے وقف معاملات کا رکن، اس کی اہلیہ اور اس کے ساتھیوں پر بھی کھلی تفصیلات پیش کی گئی ہے۔ جس کے جواب میں انفارسمنٹ ڈائرکٹوریٹ (ای ڈی) نے بہت جلد کارروائی کرنے کی یقین دہانی کرائی ہے۔ اسی طرح سے ان لوگوں کی جانکاری بھی ای ڈی دفتر میں پیش کی گئی ہے جس میں خالی زمینوں پر قبضہ کر کے اور ملٹی اسٹوری بلڈنگ بنانے کی سازش کا پردہ فاش کیا گیا ہے۔ اور اس فہرست میں وہ لوگ بھی شامل ہیں جنہوں نے کمپنی چلنے کے درمیان اپنے رقم کی واپسی لے لی تھی، پھر بھی پیسوں کی لالچ میں ایف آئی آر درج کرایااور دوبارہ پیسے لئے ۔ ان لوگوںکی تفصیلات بھی ای ڈی کے سامنے رکھی گئی ہے جنہوں نے کمپنی کے بند ہونے سے چند دن قبل سازش کاروں کے اشاروں پر پیسے جمع کرائے اور پہلی فرصت میں ایف آئی آر کرئی۔

اس فہرست میں وہ لوگ بھی شامل ہیں جنہوں نے ایک دفتری خاتون کے چرائے گئے دستاویز پر موٹے پیسوں کی رقم بھر کر ایف آئی آر کیا اور اس بات کے منتظر رہے کہ عالمہ ڈاکٹر نوہیرا شیخ جیل میں رہ کر لوگوں کے رقم ادا کریں گی تو اس کی بدولت بھی کروڑوں روپئے کمپنی سے اینٹھے جا سکیں گے۔ مگر کمپنی سی ای او کے عزائم اور دور اندیشی کو وہ لوگ سمجھ نہیں سکے تھے۔ آج حالت اور وقت ان سب کو جیل کی کوٹھریوں اور عدالت کے کٹگھرےتک کھینچ لایا ہے جنہوں نے لالچ کی اور اب ان کے خلاف عمل کر رد عمل شروع ہوچکا ہے۔