اس طرح کا اصلاحی پروگرام ہو تے رہنا چاہئے: مولانا عبد العظیم مدنی
بچوں کو روز اوّل ہی سے نماز کا پابند بنانے میں معاون ہوگا : مولانا مطیع اللہ مدنی
ننھے نمازیوں کیلئے یہ پروگرام بہت ہی اہم ہے:مولانا قمر الدین ریاضی
ہشام زاہدی ( ایم اے علیگ)

جھنڈا نگر؍نیپال، سماج نیوز سروس: ننھے بچوں میں نماز کی پائیدار خو پیدا کرنے کے اور بچپن ہی میں نماز کا پابند بنانے کیلئے صدر انجمن ارتقائے اردو ادب نیپال مولانازاہد آزاد جھنڈا نگری اور ان کے معاونین نے ننھے نمازی پروگرام منعقد کیا، جس میں 28چھوٹے بچوں 7 (سے12سال کے بچوں نے حصہ لیا 42دنوں تک ان کی حاضری کا ریکارڈ تیار کیا گیا اور تین پوزیشن لانے والے بچوں کو سائیکل بطور انعام دیا گیا اور جملہ مشارکین کو قیمتی تحائف سے نوازاگیا۔ آخری پروگرام میں چند افاضل علماء کرام نے اپنے تاثرات کا اظہار کیا اور بیش قیمت پند و نصیحت سے نوازا۔
مولانا قمر الدین ریاضی استاد جامعہ سراج العلوم نے نماز کی اہمیت پر روشنی ڈالتے ہوئے یہ فرمایا کہ بچوں کو نماز کی تعلیم اور ان کی بہتر تربیت کے لئے یہ پروگرام بہت مفید ہے۔ ناظم جامعہ خدیجۃ الکبریٰ جھنڈانگر مولانا عبد العظیم مدنی رئیس مرکز التوحید نے اس پروگرام کی افادیت پر روشنی ڈالتے ہوئے اولاد کی تعلیم و تربیت کے تئیں والدین کی ذمہ داریوں کو یاد دلایا اور کہا کہ اس طرح کا اصلاحی پروگرام برابر ہوتے رہنا چاہئے ۔مولانا قمر الدین ریاضی نے کہا کہ بلاشبہ ننھے نمازی کا پروگرم اپنی نوعیت کا منفرد پروگرام ہے اس سے قوم کے نونہالوں میں دینی بیدآری کا واضح ثبوت ہے اس سے بچوں میں نمازی بننے کا جذبہ پیدا ہوگا اللہ تعالیٰ انجمن ارتقاء اردو کے ذمہ داروں کی اس کوشش کو شرف قبولیت بخشے۔
مولانا مطیع اللہ مدنی استاد جامعہ خدیجہ الکبریٰ نے بچوں کو مخاطب کرتے ہوئے نماز کی فرضیت اور اس کی اہمیت اور نماز کی عادت ڈالنے کی بات کرتے ہوئے یہ کہا کہ ان ننھے نمازیوں کے ماں باپ کو نماز کی پابندی کرنی چاہئے اور اپنے اپنے اولاد کو نماز پڑھنے کی تاکید کرنی چاہئے۔ فی زمانہ مسلمانوں میں نماز سے غفلت عام ہے اس تناظر میں اس نوعیت کے پروگرام کی سخت حاجت ہے۔اللہ تعالیٰ مولانازاہد آزاد جھنڈا نگری صدر انجمن ارتقائے اردو ادب نیپال اور ان کے رفقاء کار کی اس کاوش کو شرف قبولیت بخشے اور انہیں اجر عظیم عطا کرے۔ عبدالعظیم مدنی جھنڈانگری ناظم اعلی جامعہ خدیجۃ الکبریٰ، جھنڈانگر، نیپال نے اپنے تاثرات کا اظہار کرتے ہوئے کہا کہ قرآن کریم میں اللہ رب العالمین نے نماز کی محافظت کرنے والوں کو فلاح پانے والوں میں شمار کیا ہے اور اسی نماز کی ادائیگی نہ کرنے والوں سے قیامت کے دن سوال ہوگا کہ جہنم میں تم کس وجہ سے پہنچے تو وہ کہیں کہ ہم نماز نھیں پڑھتے تھے، اس لئے ہم سب کو نماز کی پابندی کرنی چاہیے۔
اس پروگرام کی نظامت مولانا زبیر احمد سراجی نے کی اور دیگر علماء نے اپنے تاثرات کا اظہار کیا جن میں ڈاکٹر سعید احمد اثری مہتمم جامعہ خدیجہ الکبری ، مولانا ثناء اللہ فیضی وغیرہم شامل تھے ۔اس پروگرام میں مولانا محمد اکرم عالیاوی مولانآ عاشق علی ۔انجمن ارتقایے اردو ادب کے ذمے داران عبد السلام عبداللہ مدنی نے دعاء میں کامیاب ہونے والے بچوں کو گھڑی کا تحفہ دیا ۔حماد شاہد،ریاض احمد شاہ اور علاقے کے بے شمار افراد پروگرام میں شریک رہے۔ اس پروگرام کے روح رواں صدر انجمن ارتقائے اردو ادب نیپال مولانا زاہد آزاد جھنڈا نگری نے حاضرین مجلس کی ضیافت فرمائی اور پروگرام کے اختتام کا اعلان کیا ۔اس پروگرام میں دو مانیٹر محمد سلمان محمد اختراورعبدالرحمن عبد العظیم رکھے گئے تھے ۔جنہوں نے تمام اوقات نماز کی حاضری لی۔ان شا ء اللہ اس پرو گرام کے دور رس نتائج نکلیں گے۔اللہ تمام شریک بچوں کو ہر طرح بصحت وسلامت رکھے۔اس پروگرام کے آرگنائزر وصدر انجمن ارتقائے اردو ادب نیپال معروف سینئر صحافی مولانا زاہد آزاد جھنڈانگری قابل صد مبارکباد ہیں۔ اللہ ان کی اس اصلاحی خدمت کو شرف قبولیت بخشے۔ آمین