نئی دہلی، سماج نیوز: جھارکھنڈ کی ایک عدالت نے بدھ کو 2019 کے تبریز انصاری لنچنگ کیس کے تمام 10 قصورواروں کو دس سال قید کی سزا سنائی۔ سرائے کیلا عدالت نے مجرموں کو آئی پی سی کی دفعہ 304 کے تحت سزا سنائی ہے۔ADJ-1 امت شیکھر کی عدالت نے سال 2019 میں سرائے کیلا کے دھاتکی ڈیہہ گاؤں میں تبریز موب لنچنگ کیس میں 10 قصورواروں کو دس سال قید کی سزا سنائی۔ اس کے ساتھ ہی تمام پر 15000 روپے کا جرمانہ بھی عائد کیا گیا ہے۔تبریز انصاری کی موت کے بعد اس کی بیوی شائستہ پروین نے قاتلوں کے خلاف معاملہ درج کرایا تھا، شائستہ نے گھتک ڈیہہ گاؤں میں 100 نامعلوم لوگوں کے خلاف شکایت لکھوائی تھی۔بتا دیں کہ عدالت میں سماعت کے دوران سرائے کیلا سول کورٹ کے سرکاری وکیل اشوک کمار رائے نے 36 گواہوں کی گواہی ریکارڈ کی تھی۔اس سے پہلے 27 جون کو جھارکھنڈ کی عدالت نے تبریز انصاری لنچنگ کیس میں ان 10 لوگوں کو مجرم قرار دیا تھا۔ سرکاری وکیل اشوک کمار رائے نے بتایا تھا کہ ایک ملزم کوشل مہالی کی ٹرائل کے دوران موت ہو گئی تھی جبکہ دو ملزمین کو ثبوت کی کمی کی وجہ سے بری کر دیا گیا تھا۔ تبریز انصاری موب لنچنگ کیس میں جن 10 لوگوں کو سزا سنائی گئی ہے۔ ان کے نام بھیم سنگھ منڈا، کمل مہتو، مدن نائک، اتل مہالی، سمنت مہتو، وکرم منڈل، چمو نائک، پریم چند مہالی، مہیش مہالی ہیں۔ جرم ثابت ہوتے ہی اسے حراست میں لے لیا گیا۔ اس کیس کا مرکزی ملزم پرکاش منڈل عرف پپو منڈل پہلے ہی عدالتی حراست میں ہے۔ تبریز انصاری کو 17 جون 2019 کو جھارکھنڈ کے سرائے کیلا تھانے کے تحت دھٹکیڈیہ گاؤں میں چوری کے الزام میں پیٹ پیٹ کر ہلاک کر دیا گیا تھا۔ انصاری پونے میں مزدوری کرتا تھا اور عید منانے جھارکھنڈ میں اپنے گھر آیا تھا۔ واضح رہے کہ 2019 میں 18 جون کی شب تبریز انصاری مبینہ طور پر چوری کے ارادے سے سرائے کیلا کے دھاتکی ڈیہہ گاؤں پہنچا تھا۔ اس دوران اسے گاؤں میں کچھ لوگوں نے پکڑ لیا اور بجلی کے کھمبے سے باندھ دیا۔ تبریز کو باندھنے کے بعد اس کی خوب پٹائی کی گئی۔ لوگ اسے تب تک مارتے رہے جب تک وہ بیہوش نہیں ہو گیا۔ بعد میں علاج کے دوران 22 جون 2019 کو اس کی موت ہو گئی تھی۔تبریز انصاری کی موت کے بعد اس کی بیوی شائستہ پروین نے قاتلوں کے خلاف معاملہ درج کرایا تھا۔ شائستہ نے گھتک ڈیہہ گاؤں میں 100 نامعلوم لوگوں کے خلاف شکایت لکھوائی تھی۔ اس پر کارروائی کرتے ہوئے پولس نے شروع میں 13 لوگوں کو اپنی گرفت میں لے لیا۔ ان 13 میں سے 10 افراد پر الزام ثابت ہوئے تھے اور گزشتہ 28 جون کو عدالت نے انھیں قصوروار قرار دیا تھا۔
تبریز انصاری موب لنچنگ معاملے کے سبھی 10قصورواروں کو 10-10سال کی سزا
