ٹی شرٹ پہننے کا راز خود سنئے راہل کی زبانی

نئی دہلی، سماج نیوز: ملک کے شمالی حصے میں سخت سردی کے درمیان کانگریس لیڈر راہل گاندھی نے ٹی شرٹ پہن کر چلنے کے بارے میں اٹھائے جانے والے سوالات پر ہفتہ کو کہا کہ سردی سے نہیں ڈرتے اس لئے ٹی شرٹس پہنتے ہیں۔ مسٹر گاندھی نے آج یہاں ایک پریس کانفرنس میں سخت سردی میں ٹی شرٹ پہننے کے بارے میں پوچھے گئے سوال پر کہا کہ انہیں سردی نہیں لگتی ہے اس لئے وہ سویٹر نہیں پہنتے اور ٹی شرٹ پہن کر چلتے ہیں۔ اگر سردی لگی تو وہ سویٹر ضرور پہنیں گے۔ انہوں نے کہا ’میں سردی سے نہیں ڈرتا۔ اس لیے میں ٹی شرٹس پہنتا ہوں۔ آپ سردی سے ڈرتے ہیں اس لیے سویٹر پہنتے ہیں۔ سچ تو یہ ہے کہ مجھے سردی نہیں لگتی۔ سردی لگ گئی تو میں سویٹر پہننا شروع کر دوں گا‘۔