41.1 C
Delhi
مئی 29, 2024
Samaj News

دیپکا پدوکون نے بڑھائی ملک کی شان، فیفا ٹرافی کی نقاب کشائی کر کے رقم کی تاریخ

نئی دہلی: قطر کے لوسیل اسٹیڈیم میں ارجنٹائن اور فرانس کے درمیان میچ ہوا تو بالی ووڈ اداکارہ دیپکا پدوکون کی موجودگی نے بھی اس میچ کو زیادہ ہی خاص اور دلچسپ بنا دیا۔ درحقیقت دیپکا پدوکون پہلی ہندوستانی ہیں جنہوں نے فیفا ٹرافی کی نقاب کشائی کی ہے۔سپراسٹار اور ہندوستان کی سب سے بڑی عالمی سفیر دیپکا پدوکون فیفا ورلڈ کپ ٹرافی کو خصوصی طور پر کمیشن شدہ ٹرک کے ذریعہ لوسیل اسٹیڈیم میں پہنچیں اور وہاں اس کی نقاب کشائی کی۔ 6.175کلوگرام وزنی اور 18 قیراط سونے اور ملاکائٹ سے بنی، صرف چند ہی منتخب افراد ہی ٹرافی کو چھو سکتے ہیں اور تھام سکتے ہیں۔ اس میں سابق فیفا ورلڈ کپ کے فاتح اور سربراہان مملکت شامل ہیں۔ ایسے میں بالی ووڈ اداکارہ دیپکا پدوکون سمیت پورے ہندوستان کے لیے یہ ایک بہت ہی خاص لمحہ بن گیا۔

ٹرافی رونمائی کے دوران، دیپکا ایک ہسپانوی فٹبالر آئکر کیسیلاس کے ساتھ داخل ہوئیں اور یہ لمحہ بھی جوش و خروش سے بھرپور تھا۔سفید قمیص، براؤن اوور کوٹ، بلیک بیلٹ اور اپنی بلین ڈالرز کی مسکراہٹ میں ملبوس دیپیکا پاڈوکون تقریب میں پرکشش نظر آئیں۔ دیپکا کے اس روپ نے مداحوں کو کافی متاثر کیا اور اداکارہ کی خوب تعریف کی جا رہی ہے۔ اس دوران کھچا کھچ بھرے اسٹیڈیم میں موجود شائقین بھی ’پٹھان‘ کی اداکارہ کو اپنے کیمروں میں کلک کرنے کے لیے بے چین نظر آئے۔ واضح رہے ہندوستانی فلم پٹھان جو جنوری میں ریلیز ہونی ہے اس میں اداکارہ دیپکا پدوکون کے ذریعہ بھگوا رنگ کے کپڑے پہننے کو لے کر کافی ہنگامہ مچا ہوا ہے۔اپنے کیریئر کے دوران، سپر اسٹار دیپکا پدوکون کے ذریعہ اپنے ملک ہندوستان کو فخر کرنے کی بہت سی وجوہات ہیں۔ اداکارہ، پروڈیوسر، کاروباری اور ذہنی صحت کی وکیل نے اپنی عالمی کامیابی کی ٹوپی میں ایک اور پنکھ کا اضافہ کیا ہے۔باوقار کانز فلم فیسٹیول میں ہندوستان کی نمائندگی کرنے سے لے کر، جہاں وہ جیوری کی رکن بنیں، دنیا کی 10 سب سے خوبصورت خواتین کی فہرست میں واحد ہندوستانی دیپکا پدوکون کے پاس بے پناہ عالمی اپیل ہر گزرتے دن کے ساتھ بڑھ رہی ہے۔ دیپکا پدوکون بھی واحد ہندوستانی ہیں جنہیں لگژری برانڈز اور یہاں تک کہ پاپ کلچر برانڈز کے لیے عالمی چہرہ کے طور پر چنا گیا ہے۔

Related posts

معہد الفرقان لتحفیظ القرآن الکریم کے سنگ بنیاد کے موقع پر تاریخی اجلاس عام اختتام پذیر

www.samajnews.in

بھارت جوڑو یاترا‘ میں شامل ہوئیں سونیا گاندھی’

www.samajnews.in

’غضب گجرات میں وہ اسکول ہی غائب ہو گیا جس میں بچوں کیساتھ بیٹھے تھے مودی جی‘

www.samajnews.in