قرآن مجید کی تعلیم افضل اور باعظمت تعلیم، قرآن پر عمل کرنیوالی قوم ہی غالب رہنے والی ہے:مولانایعقوب بلند شہر ی

سہارنپور، سماج نیوز:(احمد رضا)ماہ صیام کے دن گزرتے جا رہے ہیں اور ہم اللہ کے خاص بندے کھلانے والے آج بھی قرآن مجید اور نمازوں کے فیض سے محروم رہ کر دنیا وی کاموں میں مصروف ہیں یہ بڑے خسارہ والی بات ہے ابھی بھی وقت ہے کہ آپ قرآنِ کریم کو اپنا امام تسلیم کر لیں اور نمازوں کو زندگی کا قیمتی حصہ تسلیم کر تے ہوئے ہر صورت نماز کی پابندی کریں تا کہ ناگہانی آفات سے بچاؤ کیا جا سکے ،آل انڈیا دینی مدارس بورڈ کے سربراہ مولانا محمد یعقوب بلند شہر ی نے ماہ صیام کے موقع پر عوام کو قرآن مجید کی تعلیم کے حوالہ سے دینی تعلیم کی اہمیت پر روشنی ڈالتے ہوئے بتایا کہ اگر آپ تعلیم کے زیور سے آراستہ ہو ں گے تو قوم کی ترقی اور خوشحالی کی بابت کار خیر کی خد مات بہ آسانی انجام دے سکتے ہیں دوسروں کو فیض پہنچا سکتے ہیں سہی مشورہ دے سکتے ہیں اور ہر صورت میں آپ قوم کو فتنہ سے بچانے کی کوشش کر سکتے ہیں علم اسلئے بھی ضروری ہے تاکہ آپ میں سچ جھوٹ اچھے برے ایمان بے ایمانی اور عزت آبرو کے ساتھ ساتھ رشتوں کی قدر کر نے کی سو چ سمجھ پیدا ہو جائے۔ عالم دین مولانا محمد یعقوب صاحب بلند شہری نے اپنے خطاب کی ابتداء قرآن کی عظمت سے کی اور فرمایا کہ قرآن وہ مقدس کتاب ہے جس کو اللہ تبارک و تعالیٰ نے اپنے پیغمبر حضرت محمد صلی اللہ علیہ وسلم پر اس فرشتہ کے ذریعہ نازل فرمائی جو قوی اور امانت دار ہے اس کے بعد دنیا کے موجودہ حالات پر روشنی ڈالتے ہوئے تمام حاضرین سے اس بات کا عہد لیاکہ ہر ایک اپنے بچوں کو قرآن کریم کی تعلیم کے انمول خزانے سے مالا مال فر ما تے ہوئے اپنے بچوں کو حافظ قرآن بنائیں یاد رہے کل عالم میں دین اسلام اور کلام اللہ شریف ہی غالب رہنے والا ہے اسلئے دین اسلام کی اصلیت سے خوب واقف ہو جاؤ اگر ابھی بھی بیدار نہی ہو سکے تو پچتا نا پڑے گا۔ آپ ہیں تو اللہ تعالیٰ دیگر لوگوں سے کام لے گا۔ اسلئے ضرورت ہے کہ آپ آج ہی سے ہوش میں آ جائیں اور اللہ تعالیٰ کے ساتھ ساتھ رسول اکرم صلی اللہ علیہ وسلم کی اطاعت سے اپنی زندگیوں کو فیض یاب بنائیں، تباہی اور بربادی سے محفوظ رہنے کیلئے اللہ کے حکم کے پاسداری کرتے ہوئے رسول اکرم کی تعلیم پر ثابت قدم ہو جاؤ تم کو ہی اللہ غلبہ عطا کرے گا۔