40.1 C
Delhi
مئی 22, 2024
Samaj News

فائیو اسٹار ہوٹلوں میں راج کندرا نے بنائیں تھیں فحش فلمیں

ممبئی: بالی ووڈ اداکارہ شلپا شیٹی کے شوہر اور بزنس مین راج کندرا اور دیگر پر کچھ ڈیلکس ہوٹلوں میں فحش مواد تیار کرنے کا الزام ہے، جنہیں او ٹی ٹی پلیٹ فارمز پر مالی فائدہ کے لیے تقسیم کیا گیا تھا۔ مہاراشٹر سائبر پولس نے یہ جانکاری دی۔ گزشتہ ہفتے عدالت میں داخل کی گئی، سائبر پولس کی چارج شیٹ کے مطابق راج کندرا نے ماڈل شرلین چوپڑا اور پونم پانڈے، فلم پروڈیوسر میتا جھنجھن والا اور کیمرہ مین راجو دوبے کے ساتھ فائیو اسٹار ہوٹلوں میں فحش ویڈیوز شوٹ کیں۔اس سے پہلے اپریل 2021 میں، ممبئی پولس کی کرائم برانچ نے اپنی الگ چارج شیٹ داخل کی تھی، اس کے بعد ستمبر میں اس معاملے میں ایک ضمنی چارج شیٹ داخل کی گئی، جو فروری (2021) میں مدھ آئی لینڈ کے بنگلے پر چھاپے کے بعد سامنے آئی تھی۔ سائبر پولس، جس نے 2019 میں کیس درج کیا تھا، نے دعویٰ کیا ہے کہ آرمس پرائم میڈیا لمیٹڈ کے ڈائریکٹر راج کندرا کچھ ویب سائٹس پر فحش ویڈیوز بنانے اور تقسیم کرنے میں ملوث تھے۔450 صفحات پر مشتمل چارج شیٹ میں ‘بنانا پرائم او ٹی ٹی کے سواجیت چودھری اور راج کندرا کے عملہ کے رکن امیش کامتھ و دیگر کا نام فحش مواد بنانے والی ایک ویب سیریز ‘پریم پگلانیکو بنانے اور او ٹی ٹی پع اپ لوڈ کرنے کے لیے نامزد کیا گیا ہے۔ پانڈے پر اپنا خود کا موبائل ایپ ‘دی پونم پانڈے تیار کرنے، کندرا کی کمپنی کی مدد سے ویڈیو کی شوٹنگ، اپ لوڈ اور تقسیم کرنے کا بھی الزام ہے۔سائبر پولس کے مطابق دوبے نے چوپڑا کے ویڈیوز بھی شوٹ کیے تھے، جب کہ جھنجھن والا پر چوپڑا کے لئے اسکرپٹ لکھنے اور ہدایت کاری میں مدد اور حوصلہ افزائی کرنے کا الزام ہے۔ سائبر پولس نے دعویٰ کیا ہے کہ کندرا کی کمپنی نے اس جرم میں مدد کی اور اس کی حوصلہ افزائی کی۔ اور اس نے دوسرے تمام شریک ملزمان سے مالی فائدہ اٹھایا حالانکہ وہ جانتے تھے کہ ایسی چیزیں غیر قانونی ہیں، یہاں تک کہ سائبر پولس کو کچھ دیگر لاپتہ ماڈلز کی تلاش ہے جنہوں نے فحش ویڈیوز یا ویب سیریز میں کام کیا ہے۔ممبئی پولس کی کرائم برانچ نے ہائی پروفائل کیس کا پردہ فاش کرنے کے بعد، جس میں کئی ملزمان کو گرفتار کیا گیا تھا، راج کندرا کو ستمبر 2021 میں ضمانت ملنے سے پہلے دو ماہ کی حراست میں بھیج دیا گیا تھا۔ دیگر ملزمان میں کندرا کی فرم ویان انٹرپرائزز کے آئی ٹی سربراہ ریان تھورپے، سنگاپور میں مقیم یش ٹھاکر عرف اروند سریواستو اور لندن میں مقیم کندرا کے بہنوئی پردیپ بخشی شامل ہیں، جو کینرین اور ہاٹ شاٹ کمپنیاں چلاتے ہیں۔ممبئی پولس، جس نے راج کندرا پر تقریباً 100 فحش فلمیں بنانے کا الزام لگایا تھا، نے ٹھاکر کے 6.50 کروڑ روپے کے بینک اکاؤنٹس کو بھی منجمد کر دیا تھا۔ ستمبر 2021 میں داخل ضمنی چارج شیٹ کے مطابق، کیس میں 43 گواہوں کے بیانات ریکارڈ کیے گئے ہیں۔

Related posts

8سالوں میں ہم نے پچھلے 65سالوں سے دوگنا کام کیا:اروند کجریوال

www.samajnews.in

دہلی میں دھول مخالف مہم آج سے شروع

آئندہ 6نومبر تک رہے گی جاری:

www.samajnews.in

فلم ’دی کشمیر فائلز‘ کے بعد کشمیر میں زیادہ ہوئے قتل: سنجے راؤت

www.samajnews.in