42.1 C
Delhi
مئی 19, 2024
Samaj News

عمرہ کیلئے امسال 20لاکھ سے زائد لوگ پہنچے سعودی عرب

مکہ مکرمہ: تقریبا 20لاکھ عمرہ زائرین جاری عمرہ سیزن کے دوران سعودیہ پہنچ چکے ہیں۔ وزارت حج و عمرہ کی طرف سے جاری کیے گئے اعداد و شمار کے مطابق دنیا کے مختلف ملکوں سے فضائی، زمنی اور بحری راستوں سے اب تک 1964964 مسلمان ادائیگی عمرہ کے لیے پہنچے ہیں۔وزارت کے مطابق عمرہ ادائیگی کا یہ سیزن یکم محرم الحرام سے شروع ہوتا ہے۔ رواں سال یکم محرم 30 جولائی 2022 کو تھا۔ سیزن 20 ذوالقعدہ تک جاری رہے گا۔ اس کے بعد حج سیزن شروع ہو گا۔بتایا گیا ہے رواں سیزن کے دوران اب تک فضائی راستے سے 1783392 لوگ آئے۔ جبکہ زمین راستوں کے ذریعے 180363 افراد سعودیہ پہنچیں ہیں۔ بحری راستوں سے 1209 افراد آئے ہیں۔سب سے زیادہ آبادی کے حامل مسلم ملک انڈونیشیا سے عمرے کے لیے آنے والے افراد کی تعداد سب سے زیادہ 551410 ہے۔ دوسرے نمبر پر پاکستان سے آنے والے شہریوں کی ہے جو عمرہ ادایگی کے لیے سعودیہ پہنچے۔ یہ تعداد 370083 ہے۔سعودی وزارت کے پیش کردہ اعداد و شامر کے مطابق دوسرے ملکوں میں ادائیگی عمرہ کے لیے آنے والے مسلمانوں کی تعداد بھارت، عراق مصر اور بنگلہ دیش سے ہے۔ یہ تعداد بالترتیب 230794 ، 150109، 101657 ، اور 11984 ہے۔وزارت نے بتایا ہے کہ 470 سعودی کمپنیاں ہیں جو حج اور عمرہ کے لیے سہولتیں اور خدمات پیش کرنے کے اجازت نامے رکھتی ہیں۔ یہ کمپنیاں 29 ذوالقعدہ کو ختم ہونے والے عمرہ سیزن کے لیے بر سر عمل رہیں گی۔ اس کے بعد حج سیزن کا آغاز ہو جائے گا۔سعودی عرب نے عمرے کے لیے ویزے کی مدت ایک ماہ سے بڑھا کر تین ماہ کر دی ہے۔ ان تین ماہ کے دوران عمرے کے لیے آنے والے پورے سعودیہ میں ہر جگہ جا سکتے ہیں۔ البتہ حج سیزن شروع ہونے کی صورت یہ تین ماہ کا ویزہ قبل از وقت ختم ہو جائے گا۔

Related posts

ایک ملک میں دو بھارت قبول نہیں

بھارت جوڑو یاترا کا تجربہ راہل گاندھی نے بیان کیا:

www.samajnews.in

لوک سبھا میں دہلی سروسز بل پاس، امت شاہ نے دہلی حکومت اور ’انڈیا‘ اتحاد پر کیا شدید حملہ

www.samajnews.in

ہم نے عوامی بہبود کا راستہ چنا،ہمیں جیل جانا پڑے گا: اروند کجریوال

www.samajnews.in