41.1 C
Delhi
مئی 29, 2024
Samaj News

راہل کی ’’بھارت جوڑویاترا‘‘پہنچی آندھرا پردیش،شانداراستقبال

 

حیدرآباد،سماج نیوز: کانگریس کے سابق صدر اور موجودہ ممبر پارلیمنٹ راہل گاندھی کی ’’بھارت جوڑو یاترا‘‘ منگل کو آندھراپردیش میں داخل ہوگئی۔ پڑوسی ریاست کرناٹک کے بیلاری ضلع سے اے پی کے کرنول ضلع کے ہلاہاروی منڈل اس یاترا کے داخل ہوتے ہی پارٹی کے لیڈروں اورکارکنوں کی بڑی تعداد نے ان کا استقبال کیا۔آندھراپردیش کانگریس کے صدر شیلجہ ناتھ کے ساتھ ساتھ دیگر لیڈران جیسے جے ڈی سیلم، پلم راجو، چنتاموہن اور تلسی داس اس یاترامیں راہل گاندھی کے ساتھ شامل ہوگئے ۔یہ یاترا الور، ادونی، ایمگنور اورمنترالیم سے ہوتے ہوئے دوبارہ کرناٹک کے رائچور ضلع میں داخل ہوگی۔اس یاترا کے موقع پر بیشتر تنظیموں اور اداروں کے ذمہ داروں اور نمائندوں نے راہل گاندھی سے ملاقات کی اور آندھراپردیش کوخصوصی ریاست کا درجہ دینے کے مطالبہ پر تبادلہ خیال کیا۔پولاورم کے کسانوں، رائل سیما کے نمائندوں نے اپنے طویل عرصہ سے زیرالتوا مسائل پر ان سے بات کی۔پارٹی کے سینئر لیڈر کے وی پی رام چندرراو نے کہاکہ راہل گاندھی نے تین گھنٹوں تک مختلف تنظیموں کے نمائندوں اور ذمہ داروں سے بات چیت کرتے ہوئے ان کے مسائل سے واقفیت حاصل کی۔اس یاترا پر عوام کے کافی بہتر ردعمل کا اظہار کرتے ہوئے انہوں نے کہاکہ مختلف جماعتوں سے بالاتر نوجوانوں کی بڑی تعداد اس یاترا میں شامل ہوئی ہے ۔انہوں نے کہا کہ اگرچہ کہ کانگریس، گذشتہ 8برسوں سے ریاست میں جہدوجہد سے دوچار ہے تاہم راہل گاندھی کی یاترا کو بہتر عوامی ردعمل حاصل ہورہا ہے ۔اس یاترا میں نوجوانوں کا جوش وخروش دیکھنے لائق ہے ۔ہزاروں افراد اس یاترا میں حصہ لے رہے ہیں جن میں نوجوانوں کی اکثریت ہے ۔راہل گاندھی نے اے پی کے کسانوں سے بھی ملاقات کرتے ہوئے ان کے مسائل سے واقفیت حاصل کی۔ اس ماہ کی 23تاریخ کو راہل گاندھی کی یاترا تلنگانہ میں داخل ہوگی۔

Related posts

براڑی گراؤنڈ میں عرس ٹرانزٹ کیمپ کا عمران حسین نے کیا افتتاح

www.samajnews.in

باراتی بس کھائی میں گری

حادثے میں 33ہلاک، درجنوں زخمی:

www.samajnews.in

گجرات میں ہر جگہ سرکاری اسکولوں کی حالت بدحال

www.samajnews.in