نئی دہلی، سماج نیوز: یک روزہ سیریز کے تیسرے اور آخری مقابلے میں ہندوستان نے جنوبی افریقہ کو بہ آسانی 7 وکٹ سے شکست دے کر ٹرافی اپنے نام کر لیا ہے۔ تیسرے میچ میں جنوبی افریقہ نے پہلے بلے بازی کی اور محض 99 رنوں پر آل آؤٹ ہو گئی۔ ہندوستان کی طرف سے اسپنروں نے جنوبی افریقہ کے بلے بازوں کو سنبھل کر کھیلنے کا کوئی موقع نہیں دیا۔ اور پھر جب ہندوستانی ٹیم بلے بازی کے لیے اتری تو شبھمن گل نے تیز شروعات دی۔ ہندوستان نے جیت کے لیے ضروری 100 رنوں کے ہدف کو محض 3 وکٹ گنوا کر حاصل کر لیا۔ شبھمن گل 49 رن بنا کر آؤٹ ہوئے جبکہ شریئس ایر 28 رن بنا کر ناٹ آؤٹ رہے۔
