نئی دہلی، سماج نیوز: ملک کے بڑے سماجوادی لیڈر ملائم سنگھ یادو کے انتقال کی خبر سے جہاں ملک بھر کے عوام دکھی ہیں وہیں علمائے کرام بھی ان کی موت کی خبر سن کر صدمے میں ہیں۔ آل انڈیا مسلم پرسنل لا بورڈ کے رکن اور عیش باغ عیدگاہ کے امام مولانا خالد رشید فرنگی محلی نے کہا ہے کہ ملائم سنگھ یادو نے اتر پردیش کے وزیر اعلیٰ کی حیثیت سے ریاست کو تعمیر و ترقی کی طرف لے کر گئے، ان کی خدمات کو کبھی فراموش نہیں جاسکتا۔ مولانا نے کہا کہ ملک کے وزیر دفاع کی حیثیت سے بھی ان کی خدمات کو یاد رکھا جائے گا۔ انہوں نے کہا کہ ملائم سنگھ یادو نے ہمیشہ علمائے کرام کا احترام کیا ہے، اس لیے ملک ان جیسے بڑے سوشلسٹ لیڈر کو کبھی نہیں بھول سکتا۔
