نئی دہلی، سماج نیوز: (احمد رضا) 8 روز قبل شہر سہارنپور سے دہلی میں مقیم علماء کرام کے وفد پر منحصر یہ خصوصی تعلیمی بیداری مہم کارواں تعلیم کو گھر گھر پہنچانے کے اہم مقصد کو عملی جامہ پہنانے کی غرض سے آج صبح دہلی کی مشہور سوشل ہستی حاجی عبد الرشید صاحب سیکریٹری آل انڈیا ایجوکیشن موؤمنٹ تاج انکلیو دہلی کی خدمت میں ان کے بنگلے پر پہونچا، جہاں علماء کرام کے وفد نے ملی رہبر حاجی عبد الرشید کو کارواں کے اغراض و مقاصد سے باخبر کیا اور علماء کرام کے وفد نے ان سے درخواست کی کہ آپ مرکز میں ڈپٹی سیکریٹری (ہوم)رہ چکے ہیں آپ صحیح معنوں میں قوم کے ایک ذمہ دار فرد ہیں۔ ماشاءاللہ آپ کے ساتھ اچھے افراد کی ایک بہتر ٹیم بھی ہے۔ وفد نے کہا کہ آپ مومن انصار تنظیم کے بھی ذمہ داروں میں شمار ہوتے ہیں۔ آپ سے گزارش ہے کہ آپ جلد از جلد دہلی واطراف کے تعلیمی دوستوں کو اپنے ساتھ لیجیے اور مسلسل تعلیم کو گھر گھر پہنچانے کے لئے کوششیں کر تے رہنا چاہیے، خاص طور سے غریب اور ملین بستیوں میں جاکر وہاں سے بچے بچیوں کو تعلیمی اداروں کی طرف لے جانے کی آج خاص ضرورت ہے۔ اس کے بعد تعلیمی کارواں کی ایک نمائندہ میٹنگ کمیونٹی سینٹر رمیش پارک دہلی میں منعقد ہوئی جہاں مدرسہ انوار الصمد کشن گنج کے مہتمم صوفی محمد ایوب کی بیٹی کا نکاح بھی پڑھایا۔ اس موقع پر حاجی محمد یونس ایم ایل اے دہلی، عرفان چودھری سابق ممبر حج کمیٹی حکومت ہند، ماسٹر محمد آفتاب وائس پرنسپل ذاکر حسین کالج جعفرآباد، ڈاکٹر معظم خان، مولانا محمد قاسم رحیمی آر کے پورم، مولانا محمد ساجد ندوی ، سماج سیوی بھائی محمد اسرار جے پور، بھائی عبد الحفیظ بینک والے، مولانا عطاء الرحمٰن قاسمی شموگا کرناٹک، ڈاکٹر روحی خان پنتھ ہسپتال دہلی اور ایک بڑی تعداد ذمہ داران قوم و ملّت کی اس نمائندہ میٹنگ میں شریک رہی سبھی حضرات سے بورڈ کے میر کارواں مولانا محمد یعقوب بلند شہری نے درخواست کی کہ ہمیں تعلیمات اسلام کو پڑھنا چاہیے سمجھنا چاہیے پہلے اپنی زندگی اور پھر امت اور دیگر انسانوں کی زندگی صراط مستقیم پر لانے کی کوشش کرنی چاہیے کوشش کرنا ہمارا کام ہے نتیجہ اللہ تعالی کے ہاتھ میں ہے۔ صدر بورڈ مولانا یعقوب بلند شہری صاحب کی دعاء پر اس نمائندہ مجلس کا اختتام ہوا۔