آئینی اور جمہوری نظم و نسق کی مضبوطی اور حفاظت کیلئے ہم کو اپنے ووٹ کا صحیح استعمال کرنا چاہئے: مولانا محمد یعقوب بلند شہری

سہارنپور،سماج نیوز:(احمد رضا) ووٹ ضرور بنوائیں کیونکہ اس وقت ووٹ ہی ہماری سچّی شناخت ہے صحیح معنوں میں ووٹ ہی ہمارے ہندوستانی شہری ہونے کا بڑا ثبوت ہے ووٹر شناختی کارڈ جہاں اپنے ہندوستانی ہونے کی اصل پہچان بتا تا ہے وہیں اس سیکولر ملک میں اپنی پسند کی حکومت منتخب کرنے کا بھی پورا پورا حق دیتا ہے ووٹ انتخابات میں ہمیں اپنے حق رائے دہی کے استعمال کے ذریعے ایک ذمہ دار ہندوستانی شہری ہونے کا بہترین موقع فراہم کرتا ہے اسلئے ہم پر لازم ہے کہ ہم اپنا اپنے گھر کے سبھی ممبران کا اور اپنے پڑوں سيوں کا بھی ووٹ بنوانے کا زمہ اٹھائیں یہی ہمارے زمہ دار شہری ہونے کی اصل سند ہوگی آج سے مرکزی سرکار کے احکام کے مطابق الیکشن کمیشن نے ووٹ بنوانے کا ہم سبھی ہندوستانیوں کو ایک بہتر موقع فراہم کیا ہے ہم پر زمہ داری ہے کہ ہم پہلے اپنا ووٹ بنوائیں اور پھر دیگر ممبران اور اپنے پڑوسیوں کا ووٹ بنوانے میں تعاون کریں اگر ووٹ بنے ہوئے ہیں تب لسٹ میں اور شناختی کارڈ میں اپنے اپنے نام اور پتہ کا اندراج سہی ہوا ہے کہ نہیں یہ بھی چیک کریں اگر نام یا پتہ میں کوئی غلطی ہے تو اس کو درست کرانے کے لئے فا ر م بھریں تاکہ نام اور پتہ درست ہو جائے ! آل انڈیا دینی مدارس بورڈ کے سربراہ مولانا محمد یعقوب بلند شہری نے کل ایک گفتگو کے دوران ووٹر بیداری مہم کے تحت ’’ووٹ ضرور بنوائیں‘‘ کہ مقصد سے ملک بھر کے عوام خاص طور سے مسلم پچھڑے علاقوں کے لوگوں سے اپیل کرتے ہوئے کہا کہ ہندوستان کے شہری ملک و ملت کے مفاد میں اپنے حق رائے دہی کا صحیح استعمال کر نے اور بے خوف ہوکر منصفانہ طور پر اپنا لیڈر منتخب کر نے کے لئے اپنا اپنا ووٹ ضرور بنوائیں اور دیگر شہریوں کو بھی ووٹ بنوانے کے لئے بیدار کرنے کا اہم زمہ انجام دیں ووٹ کا سہی استمال ہمارا بنیادی حق ہے ملک کا آئین ہمیں یہ حق فراہم کرتا ہے ہمیں اس کا حق بجانب استعمال کر کے اپنے اچھے شہری ہونے کی ذمہ داری کا ثبوت دینا ہوگا اور اگر ہم نے ووٹ نہیں بنوایا ،ووٹ نہیں ڈالا تو ہمیں اس بنیادی حق سے محروم رکھا جائیگا جس کے ہم کود ذمہ دار ہوںگے۔مفکر اسلام مولانا محمد یعقوب بلند شہری نے شہریوں کو خطاب کرتے ہوئے زور دیکر کہا کہ 2024 کے لوک سبھا انتخابات عنقریب ہے اس سے قبل ہماری یہ ذمہ داری ہے کہ ہم اپنے دوستوں ، احباب ، متعلقین اور پڑوسیوں کے درمیان نئے اور اہل ووٹروں کے ناموں کا اندراج کرانے ، ووٹر لسٹ میں درج غلط تفصیلات میں تصحیح کرانے کے لئے خصوصی مہم چلائیں اور اپنے آس پاس کے سب لو گوں کو ووٹ کے مفاد و نقصانات سے آگاہ کریں ووٹر بیداری مہم میں سبھی کو ووٹر کارڈ بنوانے کی خاص تلقین کریں تاکہ دبے کچلے اور پسماندہ طبقات کے ساتھ ساتھ دیگر کوئی بھی شہری اپنے حق رائے دہی کا استعمال کرنے سے محروم نہ رہ سکے! ووٹر شناختی کارڈ بنوانے یا درست کرانے کے لئے ہم اپنے بوتھ کے بی ایل او سے ملیں، آج کل کچھ عرصہ کے لئے جگہ جگہ سرکاری کیمپ لگتے ہیں وہاں جائیں اورووٹ ضرور بنوائیں، آن لائن سائبر کیفے سے بھی یہ کام بہ آسانی ہو سکتا ہے ہم اپنے ہاتھوں میں اسمارٹ فون کے ذریعے بھی بڑی آسانی سے یہ کام کر سکتے ہیں عالم دین نے افسوس کا اظہار کرتے ہوئے کہا کہ آج صرف اتر پردیش میں ہی مسلمانوں کی ایک بڑی آبادی کے نام ووٹر لسٹ میں شامل نہیں ہیں سہی صلاح مشورہ اور لا پرواہی کی وجوہات کی بنا پر ووٹر لسٹ میں آج ہمارے نام تک درج نہیں ہیں ۔یہ حقیقت ہے کہ ووٹر لسٹ میں مسلم خواتین اور نوجوانوں کے اندراج کی شرح بہت کم ہے۔ اس لیے ہمارے ووٹنگ کا فیصد کم ہوتا ہےلہٰذا ملک بھر اور خاص کر اترپردیش میں اقلیتی برادری کی خواتین اور نوجوان ووٹروں کی تعداد بڑھانے کےلئے خصوصی کوششیں کی جانی چاہئے۔ اسکولوں اور کالجوں میں ووٹر رجسٹریشن کیمپ، سوشل میڈیا کے ذریعے عوامی بیداری، ہاؤسنگ سوسائٹیز کے ذریعے کیمپ جیسی سرگرمیاں عمل میں لائی جائیں اس مہم میں سیاسی جماعتوں،سماجی تنظیموں اور تعلیمی اداروں کو بھی اپنے عوام کا تعا ون کرنا لازمی ہے یاد رہے کہ ہماری لا پرواہی کی بنا پر بعض اوقات ایسے امیدوار بھی کامیاب ہوجاتے ہیں ،جنکو اخلاقیات کا کچھ بھی شعورنہیں ہوتا اسلئے بیحد ضروری ہے کہ ہم پہلے اپنا ووٹ بنوائیں پھر وقت پر اپنے اپنے اپنے ووٹ کا صحیح استعمال کریں اور اہل خانہ کے ساتھ ساتھ پڑوسیوں کو بھی متوجہ کریں کہ وہ وقت پر اپنے ووٹ بنوائیں اور اپنے ووٹ کا سہی وقت پر سہی سہی استعمال کرلیں۔