سعودی ایمبسی کے فیصلے سے لاکھوں لوگ ہوجائیں گے بے روزگار

وی ایف ایس (VFS)کی مداخلت سے آئے گی سعودی کی سیاحت میں کمی، سعودی عرب کا سفر ہوگا مہنگا، ملک کی ٹریولس ایجنسیوں نے سعودی سفارتخانے سے فیصلے پر نظر ثانی کی اپیل کی، سونپا میمورنڈم

نئی دہلی،5اپریل، سماج نیوز:رمضان المبارک کے مقدس مہینے میں سعودی عرب کے نئی دہلی سفارتخانے کا ایک ایسا فیصلہ جس سے بھارت بھر میں سفارتخانے سے آتھورائز اورمنسٹری آف ایکسٹرنل افیئرس گورمنٹ آف انڈیا سے رجسٹرڈ ٹور اینڈ ٹریولس اور ٹریولس سے جڑے لاکھوں لوگوں کے کاروبارکو شدید خطرہ لاحق ہوگیا ہے۔ ان دنوں سعودی سفارتخانے سے جڑے کاروبار مالکان کے ساتھ ساتھ ان سے جڑے ہوئے سبھی کے لئے مشکل کی گھڑی ہے۔ دہلی کی سبھی ٹریولس ایجنسی جو اس کاروبار سے جڑے ہوئے ہیں ان کاماننا ہے کہ جب سے سعودی ایمبسی کے ویزا سیکسن نے سرکلر جاری کیا ہے تب سے وہ کافی پریشان ہیں۔ واضح رہے کہ نئی دہلی میں سعودی عربیہ کے سفارت خانے کے ویزا سیکسن نے 24مارچ 2023 کو ریکروٹنگ ایجنٹس کے نام ایک سر کلر جاری کیا۔جس میں کہا گیا کہ 3اپریل 2023ے تمام پاسپورٹ جیسے سیاحتی ویزا،بزنس ویزا، فیملی ویزا،ذاتی دورے، طالب علم اور دوبارہ داخلے کے ویزا بذریعہ وی ایف ایس (VFS) آفس سے سفارتخانے جمع کرائے جائیں گے۔اور نوٹس میں یہ بھی لکھا ہے کہ مذکورہ ویزوں کی کوئی بھی کٹیگری کسی بھی دفتر میں پڑی ہوئی ہے، تو اسے 2 ہفتوں کے اندر یعنی 19 اپریل 2023 سے پہلے جمع کرانا ضروری ہے۔ اس تاریخ کے بعد کسی بھی دفتر سے مذکورہ زمروں کا کوئی ویزا قبول نہیں کیا جائے گا۔ اس سرکلر سے دہلی کے تمام ٹور اینڈ ٹریولس جو بھارت سرکار سے رجسٹرڈ اور سعودی سفارتخانے سے آتھورائز ہیں وہ کافی پریشان ہیں انہیں اپنے کاروبار ختم ہونے کے دہانے پر نظر آرہا ہے۔یہ سبھی ٹریولس ایجنٹس اس کاروبار سے 40سے 50سال سے جڑے ہوئے ہیں اور آج سفارتخانے کے ویزا سیکسن کے ایک نوٹس نے انہیں اپنا اور اس کاروبار سے جڑے سب ایجنٹس، یعنی بھارت بھر میں لاکھوں لوگوں کا مستقبل اندھیرا نظر آرہا ہے۔

دہلی اور ممبئی میں ہزاروں رجسٹرڈ ٹریولس ایجنسی ہیں اورہر ایک ایجنسی میں کم سے کم 15لوگوں کا سٹاف ہوتا ہے۔ اس کے ساتھ ساتھ سب ایجنٹس بھی ہوتے ہیں اور سب ایجنٹس کے اندر بھی کافی لوگ جڑے ہوتے ہیں جو گاؤں گاؤں تک سہولیات فراہم کرتے ہیں یہ سبھی ٹریولس ایجنسی سے جڑے ہوتے ہیں ان کی بھی تعدادلاکھوں میں ہے۔ یقیناًایک بڑی تعداد میں اس کاروبار سے جڑے ہوئے لوگ ہیں اور یہ سبھی اسی پر منحصر ہیں۔ایسے میں اگرسعودی سفارتخانہ نے اپنے سرکلر پر غور نہیں کیا تو یقیناًلاکھوں لوگ بے روزگار ہوجائیں گے۔ سبھی دہلی کے ٹریولس ایجنسی اس وقت کافی پریشان ہیں۔ دہلی کے سبھی ٹریولس ایجنسی کی مانگ ہے کہ وی ایف ایس (VFS) کو فوری طور سے ہٹایا جائے۔ کسی ایک شخص کی اجارہ داری نہیں ہونی چاہیے۔ دہلی کے تمام ٹریولس ایجنسی اس مونوپولو کے خلاف ہیں، ان کی مانگ ہے کہ پہلے جیسے چل رہا تھا ویسے چلنے دیا جائے۔ جس سے لاکھوں لوگوں کو بے روزگارہونے سے بچ جائیں گے۔
سعودی سفارتخانے کوئی اور راستہ نکالے جس سے اس کاروبار سے جڑے لاکھوں لوگوں کا مستقبل پر کوئی آنچ نہ آئے۔ دہلی ٹریولس ایجنسی ابھی اس سرکلر سے متعلق اپنے کاروبار کو بچانے کے لئے سعودی سفیر ڈاکٹر صالح بن عید الحسینی سے ملیں گے اور اپنی بات ان کے سامنے رکھیں گے۔جبکہ آج دہلی کے ٹریولس ایجنسی کے مالکان نے سعودی سفارتخانے کو میمورنڈم دیا۔ان لوگوں کا کہنا ہے کہ سعودی سفارتخانہ وی ایف ایس (VFS) کو اس طرح آتھورائز کر لے جس طرح اور ایجنسی کو آتھورائز کیا ہوا ہے، لیکن دہلی کے تمام ایجنسی وی ایف ایس (VFS)کو اجارہ داری دینے کے خلاف میں ہیں۔ایجنسی کے مالکان نے کہا کہ ابھی جو ٹریولس ایجنسی ویزا سروس کے نام پرپاسپورٹ صرف 2سے 5ڈالر چارج کرتی ہے اس کی جگہ وی ایف ایس (VFS) ہر ایک پاسپورٹ پر 25ڈالر چارج رکھا ہوا ہے۔ ساتھ ہی کئی اور اضافی چارج کے ساتھ کرڑوں روپے وصول کیے جائیں گے۔ ظاہر سی بات ہے اس سے سعودی عرب کا سفر مہنگا ہوگا جس کی وجہ سے سیاحت میں کمی آئے گی۔کئی ایجنسی کے مالکان نے بتایا کہ ابھی ہم جب سعودی سرکلر کے خلاف جب سے کھڑے ہوئے ہیں تاکہ سعودی عرب کا ویزا سروس کا کام وی ایف ایس کونہ دیا جا ئے۔تو ہمیں تب معلوم ہوا کہ وی ایف ایس بہت اضافی چارج الگ الگ ایشو بنا کر لیتی ہے۔وی ایف ایس (VFS) پریمیم لانچ کے ذریعہ اضافی چارج کئی ممالک کے ویزا سروس کے نام پر لے رہی ہے۔ایک ممبئی کے ایجنسی کے مالک نے بتایا کہ ممبئی کونسلٹ میں آخری جمعہ کو تقریباً26000 فیملی ویزا کے لئے پاسپورٹ جمع ہوئے اتنی بڑی تعداد میں کسی ایک کو اجارہ داری دینے سے اس کمپنی کی من مانی بڑھ جائے گی اور وہ اپوئنٹ کے نام پر وہ اضافی چارج وصول کرے گی۔اس لئے سعودی ایمبسی کو ایک بار پھر سے اپنے فیصلے پر غور کرنا چاہئے۔