فیفا ورلڈ کپ: فرانس نے انگلینڈ کو دی شکست، سیمی فائنل میں مراکش سے ہوگا مقابلہ

دوحہ:قطر میں جاری فیفا ورلڈ کپ کے کوارٹر فائنل میں فرانس نے انگلینڈ کو 0-2سے شکست دے کر سیمی فائنل میں اپنی جگہ بنا لی ہے جہاں ان کا مقابلہ اب مراکش سے ہو گا۔فرانس نے میچ کے ابتدائی منٹوں میں ہی ایک گول کر کے انگلینڈ پر برتری حاصل کر لی تھی اور ہاف ٹائم کے بعد جہاں ایک گول انگلینڈ نے کر کے میچ برابر کیا تو وہیں فرانس نے دوسرا گول کر کے فیصلہ کن برتری حاصل کر لی۔اضافی آٹھ منٹوں میں انگلینڈ کو فری کک ملی جو مارکس ریشفورڈ نے کھیلی مگر ان کی گیند صرف کچھ انچوں سے ہی گول پوسٹ سے اوپر نکل گئی۔ چند ہی لمحوں میں میچ کے خاتمے کی سیٹی بجا دی گئی۔فرانس کی جانب سے اوریلیان چوامینی اور اولیویئر جیرود نے ایک ایک گول کیا جبکہ انگلینڈ کی جانب سے ان کی ٹیم کا واحد گول ہیری کین نے کیا۔اب دفاعی چمپئن فرانس کا مقابلہ مراکش سے ہو گا جنھوں نے سنیچر کو پرتگال کو شکست دے کر سیمی فائنل میں پہنچنے والی پہلی افریقی ٹیم بننے کا اعزاز حاصل کیا ہے۔