33.1 C
Delhi
جولائی 24, 2024
Samaj News

راہل کی ’بھارت جوڑو یاترا‘ میں شامل ہوئیں پرینکا گاندھی

نئی دہلی، سماج نیوز: کانگریس کے سینئر لیڈر راہل گاندھی کی ’بھارت جوڑو یاترا‘ پورے شباب پر ہے۔ اس وقت مدھیہ پردیش میں یاترا چل رہی ہے اور بھائی راہل گاندھی کا ساتھ دینے بہن پرینکا گاندھی بھی بیٹے اور شوہر کیساتھ مدھیہ پردیش پہنچ چکی ہیں۔ آج کی’ بھارت جوڑو یاترا‘صبح مدھیہ پردیش کے کھنڈوا ضلع کے بورگاؤں سے شروع ہوئی، جس میں پارٹی کی جنرل سکریٹری پرینکا گاندھی ا نے بھی پہلی بار شرکت کی۔ بھائی راہل کیساتھ قدم سے قدم ملاکر حوصلہ افزائی کی اور برابر ساتھ چلتی نظر آئیں۔

ریاست میں یاترا کے دوسرے دن سخت حفاظتی انتظامات، سینئر لیڈروں اور پارٹی کارکنوں کی موجودگی میں مسٹر گاندھی نے مقررہ وقت کے مطابق صبح بورگاؤں سے پیدل یاترا کا آغاز کیا۔ پرینکا گاندھی ، جو کل یاترا میں شامل ہونے آئی تھیں، نے بھی قدم سے قدم ملائے ۔ محترمہ گاندھی جمعہ اور ہفتہ کو بھی یاترا کے ساتھ جائیں گی۔ ریاستی کانگریس صدر کمل ناتھ، یاترا کوآرڈینیٹر ڈگ وجے سنگھ، سینئر لیڈر جے رام رمیش، سابق مرکزی وزراء ارون یادو، جیتو پٹواری اور درجنوں سینئر کانگریس لیڈر اور عہدیدار بھی یاترا کے ساتھ چل رہے ہیں۔وہیں کانگریس کے سینئر لیڈر اور کانگریس کے سابق صدر راہل گاندھی نے وزیر اعظم نریندر مودی اور مرکز کی حکمراں پارٹی پر حملہ کرتے ہوئے آج کہا کہ ہمارے ملک کے قبائلیوں کو ’ونواسی‘بنا کر ان کے حقوق چھیننے کی کوشش کی جا رہی ہے ۔ مسٹر گاندھی کی بھارت جوڑو یاترا کھنڈوا ضلع کے بڑودہ اہیر پہنچی جو قبائلی رہنما تنتیا بھیل کی جائے پیدائش ہے ۔ یہاں انہوں نے قبائلیوں کے جلسے سے خطاب کیا۔ انہوں نے کہا کہ کچھ دن پہلے انہوں نے وزیر اعظم مودی کی تقریر سنی تھی اور اس میں انہوں نے ایک نیا لفظ ’ونواسی‘ استعمال کیا تھا۔ اب یہ لفظ، اس کے پیچھے ایک دوسری سوچ ہے ۔ آدیواسیوں کے پیچھے سوچ یہ ہے کہ اس ملک کے پہلے مالک آدیواسی ہیں۔ اس کا مطلب یہ ہے کہ اگر قبائلی پہلے مالک ہیں تو زمین پر، جنگل پر، پانی پر ان کا حق ہونا چاہیے ۔کانگریس کے سابق صدر نے کہا کہ قبائلیوں اور ان کے بچوں کو ان کا حق ملنا چاہیے ۔ اگر ان کا بچہ انجینئر، ڈاکٹر بننے کا خواب دیکھ رہا ہے تو حکومت کو اس کی بھرپور مدد کرنی چاہیے ۔ لیکن جب بی جے پی کی حکومتیں اسکولوں اور کالجوں کی ‘پرائیویٹائزیشن کرتی ہیں تو انہیں صنعتکاروں کے حوالے کر دیتی ہیں۔ اگر ہسپتال صنعت کاروں کے حوالے کر دیے جائیں تو قبائلیوں کے بچے تعلیم حاصل نہیں کر سکتے اور ان کے اہل خانہ ضرورت کے وقت ہسپتال نہیں جا سکتے ۔

انہوں نے کہا کہ جب بی جے پی کی حکومتیں ریلوے ، بی ایچ ای ایل کو ‘پرائیویٹائز کرنے اور اسے بیچنے کا کام کرتی ہیں تو وہ براہ راست قبائلیوں کو نقصان پہنچاتی ہیں۔انہوں نے کہا کہ جب ہم تنتیا ماما کے بارے میں سوچتے ہیں تو ہمارے ذہن میں قبائلی آتے ہیں، جدوجہد آتی ہے ، بے خوفی آتی ہے ۔ جب وہ انگریزوں کے سامنے پھانسی کے تختے پر جا رہے تھے تو ان کے دل میں کوئی خوف نہیں تھا کیونکہ انہیں قبائلیوں سے محبت تھی۔ نوٹ بندی، جی ایس ٹی اور کورونا کے دوران مرکزی حکومت کی طرف سے کئے گئے کاموں کے بارے میں کانگریس لیڈر مسٹر گاندھی نے کہا کہ جی ایس ٹی، نوٹ بندی اور کورونا کے دوران حکومت کے ذریعہ کئے گئے کاموں میں دلت، پسماندہ، قبائلی، کسان، مزدوروں کو چوٹ پہنچائی گئی۔

Related posts

کعبہ کے بغیر دُنیا رُک جائے گی، نئی تحقیق میں خلاصہ

www.samajnews.in

عدنان اشرف ’بھارت جوڑو نیائے یاترا‘ کی کوآرڈنیشن کمیٹی کے رکن مقرر

www.samajnews.in

سورا بھاسکر نے فہد احمد سے رچائی شادی،انوکھی ہےمحبت کی کہانی

www.samajnews.in