33.1 C
Delhi
جولائی 24, 2024
Samaj News

دو جنگی طیاروں میں ٹکر، اڑگئےپرخچے ،آسمان میں دکھا دھوئیں کا غبار

نئی دہلی: امریکی ریاست ٹیکساس میں ایئر شو کے دوران خوفناک حادثہ پیش آیا۔ یہاں ڈیلاس میں دوسری جنگ عظیم کے وقت کے دو جنگی طیارے ہوا میں ٹکرا گئے۔ حادثہ اتنا خوفناک تھا کہ تصادم ہوتے ہی ایک طیارہ درمیان سے دو ٹکڑے ہو گیا جبکہ دوسرا طیارہ مکمل طور پر بکھر گیا۔فیڈرل ایوی ایشن ایڈمنسٹریشن (ایف اے اے) کے مطابق ہفتہ کو امریکہ کے شہر ڈیلاس میں عالمی جنگ-2 کے یادگاری ایئر شو کا انعقاد کیا گیا۔ اسے دیکھنے کے لیے دور دور سے لوگ پہنچ رہے تھے۔

ایئر شو چل ہی رہا تھا کہ اچانک ایک بوئنگ بی-17 فلائنگ فورٹریس بمبار دوسرے بیل پی-63 کنگ کوبرا فائٹر سے ٹکرا گیا۔حادثہ ڈیلاس ایگزیکٹیو ایئرپورٹ کے قریب پیش آیا۔ ہوائی اڈے کے حکام نے ٹوئٹر پر بتایا کہ ہنگامی عملہ فوری طور پر جائے حادثہ پر پہنچا۔ حادثے کے بعد طیارے کے عملے کے ارکان سے تفتیش کی جا رہی ہے۔ فوری طور پر یہ واضح نہیں ہے کہ دونوں طیاروں میں کتنے افراد سوار تھے۔دوسری جنگ عظیم کے لڑاکا طیاروں کے تحفظ کے لیے وقف گروپ کمشریٹ ایئر فورس (سی اے ایف) کے صدر اور سی ای او ہانک کوٹس نے کہا کہ بی-17 میں عام طور پر چار سے پانچ افراد کا عملہ ہوتا ہے۔ کوٹس نے کہا کہ پی-63 میں صرف ایک پائلٹ سوار تھا لیکن انہوں نے یہ نہیں بتایا کہ حادثے کے وقت طیارے میں کتنے اور لوگ سوار تھے۔یہ واقعہ سوشل میڈیا پر پوسٹ کی گئی ایک ویڈیو کلپ میں قید کیا گیا، جس میں دونوں طیارے آپس میں ٹکرا گئے اور آگ کے شعلوں میں تبدیل ہو گئے۔ لائیو ہوائی ویڈیو میں طیارے کا ملبہ تصادم کی جگہ پر بھوری گھاس پر بکھرا ہوا نظر آ رہا ہے۔ ایف اے اے اور نیشنل ٹرانسپورٹیشن سیفٹی بورڈ (این ٹی ایس بی) دونوں نے تحقیقات کا آغاز کر دیا ہے، این ٹی ایس بی نے حکام کو پہل کرتے ہوئے افسران کو اپ ٹیٹ دی ہے۔

Related posts

نوٹ بندی کے6سال:’’ناکامی ہی ناکامی‘‘،نقد لین دین میں 72 فیصد کا اضافہ

www.samajnews.in

غیبت کرنے والے کی دعاء بھی قبول نہیں کی جاتی

www.samajnews.in

لو جہاد قوانین کی آئینی حیثیت کو جمعیۃ علماء ہندنے سپریم کورٹ میں کیاچیلنج

www.samajnews.in