وادی میں جاری موسم بہار کی تقریبات کے ایک حصے کے طور پر، محکمہ سیاحت کشمیر نے جمعرات کو سری نگر کے زبروان پارک میں ایک عظیم الشان موسیقی ریز شام کا اہتمام کیا۔ لیفٹیننٹ گورنر کے مشیر راجیو رائے بھٹناگر جو اس موقع پر مہمان خصوصی تھے، نے موسم بہار م کے یلے کی میزبانی پر اطمینان کا اظہار کیا اور کہا کہ موسم بہار کے جشن کا اچھا ردعمل سامنے آیا ہے۔موسم بہار اور ٹیولپ فیسٹیول حیرت انگیز رہا ہے، اور اس نے مقامی لوگوں کے ساتھ ساتھ سیاحوں کو بھی اپنی طرف متوجہ کرکے زبردست ردعمل حاصل کیا ہے۔ اس موقع پر مشیر بھٹناگر کے ساتھ کمشنر سیکرٹری سیاحت سرمد حفیظ، ڈائریکٹر ٹورازم کشمیر ڈاکٹر جی این ایتو اور دیگر افسران موجود تھے۔ قبل ازیں محکمہ سیاحت نے کشمیر میں موسم بہار کی آمد کا جشن منانے کے لیے 21 مارچ کو مشہور ڈل جھیل کے کنارے واقع زبروان پارک میں ٹورازم فیسٹیول کا انعقاد کیا تھا۔ فیسٹیول کا افتتاح سیکرٹری سیاحت سرمد حفیظ نے کیا، جنہوں نے اس موقع پر کہا کہ اس کا خیال بہار کے موسم کے آغاز کو خوش آمدید کہنے اور کشمیر میں سیاحت کے شعبے کو فروغ دینا تھا۔ اس موقع پر کمشنر سیکرٹری سرمد حفیظ نےکہا کہ محکمہ سیاحت کی جانب سے متعدد اقدامات اٹھائے گئے ہیں اور سیاحوں کے تجربے کو بہتر بنانے کے لیے ٹریول ٹریڈ باڈیز کو شامل کیا گیا ہے۔محکمہ سیاحت اور ٹریول ٹریڈ باڈیز وادی میں آنے والے سیاحوں کو ایک اچھا تجربہ فراہم کرنے کے لیے خدمات اور سہولیات کو مزید بڑھانے کی کوشش کر رہے ہیں، کیونکہ کشمیر صرف خوبصورت جگہ کے بارے میں نہیں ہے بلکہ یہ ہماری ثقافت، فن، دستکاری یا ورثے سے متعلق ہے۔ دریں اثنا، موسیقی کی تقریبات کے دوران، وادی کے مختلف فنکاروں نے تقریب میں شرکت کی اور دیکھنے والوں کو محظوظ کرنے کے لیے پرفارم پیش کی۔
محکمہ سیاحت نے زبروان پارک میں موسیقی کی تقریب کی میزبانی کی
