41.1 C
Delhi
مئی 29, 2024
Samaj News

سعودی عرب نے فٹ بال عالمی کپ ٹورنا منٹ کے لیے کوالیفائی کر لیا

سعودی عرب نے جمعرات کو فٹ بال عالمی کپ کے لیے کوالیفائی کرلیا ہے۔جاپان نے عالمی کپ کے پری کوالیفائنگ مرحلے میں آسٹریلیا کو دو صفر سے شکست دے دی ہے۔اس کے بعد سعودی عرب نے قطر میں ہونے والے حتمی مقابلوں کے لیے کوالیفائی کر لیا ہے۔سعودی عرب اس پہلے پانچ مرتبہ فٹ بال عالمی کپ کے حتمی مقابلوں میں شرکت کرچکا ہے۔سعودی فٹ بال ٹیم نے 1994ء میں بہترین کارکردگی کا مظاہرہ کیا تھا اور وہ آخری سولہ ٹیموں میں سے ایک تھی۔الاخباریہ نیوزچینل کے مطابق سعودی فٹ بال ٹیم عرب دنیا کی پہلی ٹیم ہے جو چھٹی مرتبہ عالمی کپ کے حتمی مقابلوں میں شرکت کا اعزازحاصل کرے گی۔جاپان کی ٹیم بھی آسٹریلیا کو ہرا کر ساتویں مرتبہ عالمی کپ کے فائنل مقابلے کھیلنے کے مرحلے میں پہنچی ہے۔2022ء کا فیفا عالمی کپ فٹ بال ٹورنا منٹ قطر میں 21نومبرسے 18 دسمبر تک منعقد ہوگا۔آسٹریلیا کو اب ایشیاکے کوالیفائنگ گروپ میں تیسرے نمبر پرآنے والی ٹیم سے میچ کھیلنا ہوگا۔جیت کی صورت میں قطر میں حتمی ٹورنا منٹ میں حصہ لینے کے لیے اس کا جنوبی امریکا سے پانچویں نمبر پرآنے والی ٹیم سے مقابلہ ہوگا۔

Related posts

فلسطینی عوام نے حماس کو قوم کی بہترین نمائندہ قرار دیا:سروے

www.samajnews.in

دھمکی آمیز خط پر پاکستان کا امریکا سے احتجاج

www.samajnews.in

نیتی آیوگ نے وومن ٹرانسفارمنگ انڈیا ایوارڈ کے پانچویں ایڈیشن کا انعقاد کیا

www.samajnews.in