33.1 C
Delhi
جولائی 25, 2024
Samaj News

وارم اَپ میچ میں بھارت کی جیت

محمد شامی کے طوفان میں اڑ گئے کنگارو، پہلے اوور میں ہی لیے 4 وکٹ

نئی دہلی: ٹی-20 عالمی کپ 2022 کے اپنے پہلے وارم اَپ میچ میں ہندوستان نے آسٹریلیا کو 6 رنوں سے شکست دے کر سبھی کو اپنی مضبوط موجودگی کا احساس کرایا۔ میچ کے آخری اوور میں آسٹریلیا کے 4 وکٹ گرے۔ یہ اوور ہندوستان کے تیز گیندباز محمد شامی نے کیا جو کہ میچ میں اپنا پہلا اوور ڈال رہے تھے۔ اس اوور میں انھوں نے اپنے یارکر سے آسٹریلیائی بلے بازوں کو بری طرح پریشان کیا۔ویسے آخری اوور میں گرے سبھی چار وکٹ محمد شامی نے نہیں لیے بلکہ ایک وکٹ رَن آؤٹ کی شکل میں گرا۔ آخری دو گیندوں پر شامی نے دو بلے بازوں کو کلین بولڈ کر دیا۔ اس طرح 187 رنوں کے ہدف کا پیچھا کرنے اتری آسٹریلیائی ٹیم 20 اوور میں 180 رن ہی بنا سکی۔ آسٹریلیا کی طرف سے سب سے زیادہ رن ایرون فنچ نے بنائے۔ انھوں نے 54 گیندوں پر 76 رن کی اننگ کھیلی۔ ہندوستان کی طرف سے محمد شامی نے ایک اوور میں 4 رن دے کر 3 وکٹ حاسل کیے۔ بھونیشور کمار کے حصے میں 2 وکٹ آئے اور عرشدیپ، یجویندر چہل و ہرشل پٹیل نے 1-1 وکٹ لیا۔اس سے قبل ہندوستان نے پہلے بلے بازی کرتے ہوئے 20 اوور میں 7 وکٹ کے نقصان پر 186 رن بنائے۔ ہندوستان کی طرف سے کے ایل راہل (57 رن) اور سوریہ کمار یادو (50 رن) نے بہترین بلے بازی کا مظاہرہ کیا۔ کپتان روہت شرما نے 15، وراٹ کوہلی نے 19 اور دنیش کارتک نے 20 رنوں کی اننگ کھیلی۔ آسٹریلیا کی طرف سے گیندبازی میں کین رچرڈسن نے بہترین کارکردگی کا مظاہرہ کیا جنھوں نے 4 وکٹ لیے۔ انھوں نے سوریہ کمار یادو، ہاردک پانڈیا، دنیش کارتک اور آر اشون کو پویلین لوٹایا۔ اسٹارک، میکسویل اور ایشٹن نے 1-1 وکٹ لیے۔

Related posts

’میرے باپ نے 50 سے زائد خواتین کو مار کر کنویں میں دفن کردیا‘

www.samajnews.in

سورا بھاسکر نے فہد احمد سے رچائی شادی،انوکھی ہےمحبت کی کہانی

www.samajnews.in

’بھارت جوڑو یاترا‘کے ذریعے ملک کو جوڑنے کی تپسیا کر رہا ہوں: راہل گاندھی

www.samajnews.in