فلسطینی صدر محمود عباس علاج کی غرض سے اردن کے دارالحکومت عمّان کے راستے جرمنی روانہ ہو گئے۔ ان کے اس غیر علانیہ دورے کو انتہائی حد تک چھپایا جا رہا ہے۔ فلسطینی صدر کی عمر 87 برس ہے اور وہ 17 سال سے صدر کے عہدے پر براجمان ہیں۔فلسطینی ذرائع کے مطابق محمود عباس جرمنی میں برلن چارے ہسپتال میں معمول کے طبی ٹیسٹ کروائیں گے۔
مزید یہ کہ ان کی صحت اچھی ہے اور وہ چند گھنٹوں کے بعد واپس رام اللہ لوٹ جائیں گے۔فلسطینی صدر کے بارے میں کہا جاتا ہے کہ انہیں "مثانے کا سرطان” ہے۔جرمنی سے واپسی پر محمود عباس کی اردن کے فرماں روا شاہ عبداللہ الثانی سے ملاقات طے ہے جو آئندہ ہفتے رام اللہ کا دورہ کریں گے۔