42.1 C
Delhi
مئی 19, 2024
Samaj News

ہیرا گروپ کے حق میں سپریم کورٹ کا تاریخی فیصلہ

ڈیٹا اور ضروری اشیا ءکی فراہمی کے لئے ہیرا گروپ اپنا انجینئر بھیج کر حاصل کرے:

ہیرا گروپ کے حق میں سپریم کورٹ نے تاریخی فیصلہ سنایا ہے اور ہیرا گروپ آف کمپنیز کے تعلق سے سپریم کورٹ نے عالمہ ڈاکٹر نوہیرا شیخ کو مشورہ دیا ہے کہ اگر سرکاری ڈپارٹمنٹ سال بھر بعد بھی کمپنی کا ڈیٹا دینے میں کامیاب نہیں ہو رہا ہے اور بہانے بازی کر رہا ہے تو آپ خود اپنا انجینئر بھیج کر ڈیوائز اور ڈیٹا حاصل کر لیں۔ واضح رہے کہ عالمہ ڈاکٹر نوہیرا شیخ کی ناجائز گرفتاری کے وقت سرکاری ڈپارٹمنٹ نے غیر قانونی طور پر کمپنی کے درجنوں کمپیوٹر اور لیپ ٹاپ ودیگر ضروری اشیا اٹھا کر لے گئے تھے جو ابھی تک واپس نہیں کیا جا رہا ہے۔لہذا سپریم کورٹ نے سرکاری ڈپارٹمنٹ کی نا اہلی کے بعد یہ حکم سنایا ہے کہ کمپنی خود اپنا انجینئر بھیج کر ڈیٹا حاصل کرلے۔ ہیرا گروپ آف کمپنیز کے حق میں دوسرا فیصلہ سناتے ہوئے سپریم کورٹ نے سرکاری ڈپارٹمنٹ کو حکم دیا کہ اپنا نوٹس بورڈ ہٹاتے ہوئے عالمہ ڈاکٹر نوہیرا شیخ کے ملک بھر میں تمام 84 جائیداروں کو جلد از جلد چھوڑ دے۔ اور کمپنی جس بھی جائیداد کو چاہے فروخت کرکے ہیرا گروپ سرمایہ کاروں کو ان کے پیسوں کی اداکریگی۔ واضح رہے کہ عالمہ ڈاکٹر نوہیرا شیخ کی ناجائز گرفتاری کرکے کے وقت فرعونوں اور ان کے مددگار سرکاری ڈپارٹمنٹ اور ہرکاروں نے تمام جائیدادوں پر نوٹس بورڈ چسپاں کردیا تھا۔ ان سب کا مقصد یہ تھا کہ ان پراپرٹیز کو بولی لگا کر اونے پونے داموں میں ایک دوسرے کے ہاتھ سے فروخت کریں اور ہیرا گروپ کی بنیاد کو کھوکھلا کردیں۔ عالمہ ڈاکٹر نوہیرا شیخ نے ہمیشہ عدالت میں یہ باورکرایا کہ جائیداد میری ہے اور میں ہی جانتی ہوں کہ مجھے پیسے کیسے دینے ہیں۔ لہذا سپریم کورٹ نے غاصبوں خائنوں اور ان کے ہرکارے سرکاری دفاتر کی منشا کو سمجھتے ہوئے حق کا ساتھ دیا اور مظلوم کمپنی اور اس کے سرمایہ کاروں کو راحت پہنچانے کا بڑا انصاف سنایا ہے۔ ملک و قوم عدالت علیہ کو سلام پیش کرتے ہیں۔ ہیرا گروپ آف کمپنیز کے حق میں تیسرا فیصلہ سناتے ہوئے سپریم کورٹ نے ایس اے کالونی کی زمین کو ہیرا گروپ کا بتایا اور تمام طرح کے زمین مافیاﺅں و بلڈروں کو آگاہ کرتے ہوئے اپنا اپنا تسلط جلد از جلد ہٹانے کا حکم جاری کیا ہے۔ واضح رہے کہ عالمہ ڈاکٹر نوہیرا شیخ کی جائیدادوں پر ان کی غیر موجودگی میں حیدر آبادی مافیا عناصر نے قبضہ کرلیا تھا۔ وہاں کے ایم پی ایم ایل اے اور کارپوریٹروں کی مدد سے جابر و ظالم زمین مافیاﺅں نے ہیرا گروپ کی خالی پڑی زمینوں پر ملٹی اسٹوری بلڈنگ بنا لی تھی۔ کئیفلیٹ۔ گودام اور دوکانوں پر قبضہ جما لیا گیا تھا۔ خلاصہ کلام جتنا بڑا عہدیدار اور نیتا اتنی مہنگی زمین و جائیداد پر قبضہ کرکے اس کے فروخت کی تیاریاں بھی چل رہی تھیں۔ لہذا ہیرا گروپ کی معصومیت و مظلومیت کو سمجھتے ہوئے غاصب و خائن لوگوں کی منشا پر ہتھوڑا چلایا اور مظلوم کمپنی اور اس کے سرمایہ کاروں کو راحت پہنچانے کا بڑا انصاف سنایا ہے۔ ملک و قوم عدالت علیہ کو سلام پیش کرتے ہیں۔ہیرا گروپ آف کمپنیز کے حق میں چوتھا فیصلہ سناتے ہوئے سپریم کورٹ نے انکم ٹیکس ڈپارٹمنٹ کو حکم دیا ہے کہ جب کمپنی سی ای او دو سال پانچ مہینے زیر حراساں تھیں اور کمپنی کو سوچی سمجھی سازش کے تحت بند کرا دیا گیا تھا تو انکم ٹیکس ڈپارٹمنٹ کی جانب سے ہزاروں کروڑ روپئے کا انکم ٹیکس نوٹس بے جا اور لا یعنی ہے۔ واضح رہے کہ ہیرا گروپ آف کمپنیز نے اپنے اوپر سازشی جال پھینکے جانے کے آخری سال تک سو سو کروڑ روپئے کا انکم ٹیکس ادا کیا تھا۔ حکومت وملک کو تقویت پہنچانے والی کمپنی سے اتنے بڑے پیمانے پر ٹیکس حاصل ہونے کی خوشی اور تلنگانہ کی سب سے بڑی ٹیکس پیئر عالمہ ڈاکٹر نوہیرا شیخ کو چیف انکم ٹیکس ڈپارٹمنٹ کا فون کال بطور شکرانہ موصول ہوا تھا۔ لہذا ہیرا گروپ کی معصومیت و مظلومیت کو سمجھتے ہوئے سپریم کورٹ کے بدست ایک بار اور حق کی جیت سنائی گئی۔ ملک و قوم عدالت علیہ کو سلام پیش کرتے ہیں۔

Related posts

صدر پیوٹن کو جنگی مجرم کہنا آسان ہے لیکن یہ سب کیسے ثابت ہوگا؟

www.samajnews.in

حقوق گروپوں نے یورپی یونین۔ چین سمٹ سے قبل بیجنگ کی زیادتیوں پر تشویش کا اظہار کیا

www.samajnews.in

فلسطینی عوام نے حماس کو قوم کی بہترین نمائندہ قرار دیا:سروے

www.samajnews.in